M di nou sa deja, pa kite okenn move plan isit pwan nou nan plan kap di nou, ò yo gen plan sesi yo gen sela pou nou. 

Si yo gen yon plan pou nou, se yon plan makab ak plan neyoliberal. Tout plan daksyon moun isit genyen se fè lajan. Osi senp ke sa. 

Kòmsi ou pa gen je pou wè sa, tout pwojè kap bon peyi a, le pli souvan moun isit  relege yo tout a laryè plan.
Malerezman, isit nou an afè ak yon pakèt move plan ki pa gen ni plan  A ni plan B. 

Dirijan isit ap dirije san plan. An, ok, m te blye, yo gen plan paske yo fè plan minit pou pale nan telefòn. 

Dirijan isit pa kwè nan plan diri, nan plan pwa, nan plan mayi, nan plan kann, elatrye. 
Se pa san rezon ki fè anpil moun ap fè plan pou kouri kite peyi a pou al boske lavi lòt bò dlo. 

Pa kite pyès moun pwan nou nan plan, kap rakonte nou blag bouki ak ti malis. Sa kap pase nan peyi a jounen jodya, se pa lòt bagay se yon plan kap ekzekite. 

📧 leoneldorcilien79@gmail.com