A la une, Actualité, Art et culture, Créole

Ayiti: Veye nan Kouvre-fe pou nou pa mete lwil sou dife !

RIBRIK : M TANDE, M WÈ, M APWANN EM KONPWANN

Nan kad eta dijans sanitè a gouvènman te dekrete sou tout peyi a koz Kovid 19 la, se nòmal pou la polis ak lajistis fè rèspèkte kouvre fe a, men yo dwe aji ak tèt fwèt pou yo pa jete lwil sou dife a.

Se pa dife n’ap chofe, men genyen sèten polisye ki pi cho pase dife nan mezi k’ap pran pou fè rèspèkte kouvre fe a. Gen nan yo ki rive tout feu tou flam tankou moun ki gen fe nan kò yo, sou sitwayen pezib pou kontrenn yo rèspèkte kouvre fe.

Jan de pratik sa yo ka konpromèt avni enstitisyon an, emenm rive detwil «à petit feu». Pou nou sa ki vrè, gen polisye, m’ap mete menm nan dife pou yo, yo p’ap aji ak britalite.

Ayiti, se yonn nan ra peyi sou latè beni kote platín toujou kwè li pi cho pase dife. Platín pa janm picho pase dife. Sa pa ekziste.

Pandan fòs lòd yo ap fè rèspèkte kouvre fe fòk yo rive tou sou endividi ak zam a fe k’ap mete yon seri zòn «à feu et à sang» eki refize fè «cessez le feu».

La jistis dwe mete aksyon piblik an mouvman kont tout endividi k’ap mete dife nan byen moun. Fòs lòd yo dwe enstale fe signalisation siyalizasyon woutyè pou regilarize zafè sikilasyon an.

Otorite yo dwe panse ak moun ki pase plizyè jou ki pa fouti sanble dife lakay yo. Malerezman, jan de moun sa yo, chat dòmi nan recho yo. Lè otorite yo asime rèsponsabilite yo vre, lè sa a, anpil moun ap ankouraje lanse fe datifis pou yo.

Otorizasyon pou jounalis fè travay li pandan kouvre fe. M pa kwè jounalis bezwen bagay konsa nan men ni X ni Y konstitisyon peyi a nan atik 28 – 1 deja bay jounalis yo fe vè pou sa.

Kesyon m’ap poze tèt mwen, se jiskilè dirijan isit ap sispann pran desizyon pay dife? Kidonk desizyon dife pay mayi.

Auteur: Lionel DORCILIEN E-mail : leoneldorcilien@gmail.com

%d blogueurs aiment cette page :